25 ივლისს თელავის მუნიციპალიტეტის სოფელ ლაფანყურში "ვაჟაობა" აღნიშნეს. სახალხო დღესასწაული ა.ა.ი.პ "კულტურის ცენტრის", ა.ა.ი.პ. "სასპორტო გაერთიანების" ორგანიზებით და თვითმმართველი თემი თელავის მუნიციპალიტეტის გამგეობის კულტურის, განათლების, ძეგლთა დაცვის, სპორტისა და ახალგაზრდულ საქმეთა სამსხურის მხარდაჭერით მოეწყო. დღესასწაული ტრადიციული დოღით დაიწყო და შემდეგ სხვა ღონისძიებები გაიმართა. საზეიმო კონცერტში თელავის მუნიციპალიტეტთან არსებული შემოქმედებითი, ვოკალური და ქორეოგრაფიული სტუდიები იღებდნენ მონაწილეობას. ახალგაზრდებმა ვაჟა-ფშაველასადმი მიძღვნილი ლექსები წაიკითხეს. კონცერტის დასასრულს, ადგილობრივებს თელავის მუნიციპალიტეტის გამგებელმა - ალექსანდრე შათირიშვილმა და საკრებულოს თავმჯდომარე - პაატა გიორგობიანმა სიტყვით მიმართეს და ვაჟა-ფშაველას დამსახურებებზე და ლაფანყურის მნიშვნელობაზე ისაუბრეს. შეგახსენებთ, რომ სახალხო დღესასწაული "ვაჟაობა" სოფელ ლაფანყურში ტრადიციულად ყოველი წლის, ივლისის თვის ბოლო შაბათ დღეს იმართება.