ყვარელში, ბავშვთა და მოსწავლე ახალგაზრდობის სპორტის ეროვნულ
ფედერაციის ინიციატივითა და ორგანიზებით, ტარდება ფესტივალი „სპორტი
ბარიერების გარეშე.“
შეჯიბრი 14-დან 16 წლის ასაკის მოზარდებში სპორტის ოთხ სახეობაში
იმართება- მინი ფეხბურთი, სპრინტი, ჭადრაკი და ქუჩის კალათბურთი.
-„ ჯერ ჩვენ ჩავატარეთ შიდა მუნიციპალური თამაშები და გამოვავლინეთ
გამარჯვებულები. გუშინ შეჯიბრი ჩატარდა სპრინტსა და მინი ფეხბურთში.
გურჯაანელი სპორტსმენებისთვის დღე სრული ტრიუმფით დასრულდა. მინი
ფეხბურთში გამარჯვება იზეიმა გურჯაანის #2 საჯარო სკოლის გუნდმა,
სპრინტში, გოგონებში, ამავე სკოლის მოსწავლე სალომე კვეზერელმა
იმარჯვა და ვაჟებში მესამე საჯარო სკოლიდან ლუკა ნაყეურმა
გაიმარჯვა.“- აღნიშნა გურჯაანის მუნიციპალიტეტის სპორტისა და
ახალგაზრდულ საქმეთა სამსახურის მთავარმა სპეციალისტმა იზა
თერგიაშვილმა.
დღეს კალათბურთში ახაშნის საჯარო სკოლის გუნდი იასპარეზებს, ჭადრაკში
კი გურჯაანის #4 საჯარო სკოლის მოსწავლე ანი ჭყოიძე და ბაკურციხიდან
-ილია ბედინაშვილი.
გამარვებულები სიგელებითა და მედლებით დაჯილდოვდებიან. ისინი 27
ივნისიდან -2 ივლისის ჩათვლით, ანაკლიაში გამართულ რესპუბლიკურ
პირველობაში მიიღებენ მონაწილეობას.
მასალის გამოყენების პირობები