გურჯაანში, ფარნავაზის ქუჩაზე მდებარე, ყოფილი სკოლა-ინტერნატის
შენობის ნაწილი ჩამოინგრა. ადგილზე სამაშველო ბრიგადა,
სამართალდამცველები და ადგილობრივი თვითმმართველობის წარმომადგენლები
იმყოფებიან.
შემთხვევის შედეგად არავინ დაშავებულა.
-„ბავშვები შედიან და ეზოში თამაშობენ ხოლმე. კიდევ კარგი, ახლაც იქ
არ იყვნენ, თორემ რამე უბედურება მოხდებოდა. წლებია, აქ მცხოვრებლები,
შენობის დანგრევას ვითხოვთ, მაგრამ პატრონი არ გამოუჩნდა.“- აღნიშნა
ფარნავაზის ქუჩაზე მცხოვრებმა ვაჟა ტაველიშვილმა.
აღნიშნული შენობა გურჯაანის მუნიციპალიტეტის მერიის ბალანსზეა. მისი
გაყიდვა ადგილობრივმა თვითმმართველობამ
რამდენჯერმე სცადა, თუმცა ყიდვის სურვილი არავინ
გამოთქვა.
მასალის გამოყენების პირობები