ხე-ტყის უკანონო მოპოვების ყველაზე მეტი ფაქტი კახეთის რეგიონში დაფიქსირდა
გარემოსდაცვითი ზედამხედველობის დეპარტამენტისა და ეროვნული სატყეო
სააგენტოს თანამშრომლებმა, 2018 წლის 01 ოქტომბრიდან 31 ოქტომბრის
ჩათვლით, ხე-ტყის უკანონო მოპოვებისა და ტრანსპორტირების 395 ფაქტი
გამოავლინეს.
აქედან, 15 ფაქტი სისხლის სამართლის დანაშაულის ნიშნებს
შეიცავს.
ხე-ტყის უკანონო მოპოვებისა და ტრანსპორტირების ყველაზე მეტი - 114
ფაქტი გამოვლინდა კახეთის რეგიონული სამმართველოს სამოქმედო
ტერიტორიაზე, სამეგრელო-ზემო სვანეთში 61, იმერეთში - 33, აჭარაში -
29, გურიაში - 7, რაჭა-ლეჩხუმსა და ქვემო სვანეთში - 14, ქვემო
ქართლში -25, მცხეთა-მთიანეთში - 8, შიდა ქართლში -23,
სამცხე-ჯავახეთში - 79, ხოლო თბილისში -2 ფაქტი დაფიქსირდა.
უწყების ინფორმაციით, ჯამში ამოღებულია უკანონოდ მოპოვებული 3170
მ3-მდე ხე-ტყე. მასალები, შემდგომი რეაგირებისთვის, შესაბამის
უწყებებშია გადაგზავნილი.
მასალის გამოყენების პირობები