კახეთის მუნიციპალიტეტებს შორის, ამ ეტაპზე ყველაზე აქტიურად ყურძნის
კრეფა დედოფლისწყაროსა და სიღნაღში მიმდინარეობს.
რეგიონში გადამუშავებულია 13 ათასი ტონა სხვადასხვა ჯიშის ყურძენი: 8
ათასი ტონა რქაწითელი, 2,4 ათასი ტონა საფერავი, ათასი ტონა კახური
მწვანე და დანარჩენი სხვადასხვა ჯიშის ყურძენია.
ღვინის ეროვნული სააგენტოს ინფორმაციით, ამ ეტაპზე, რთველის
საკოორდინაციო შტაბში დარეგისტრირებულია ღვინის მწარმოებელი 190-მდე
კომპანია, ყურძნის გადამუშავების პროცესში უკვე ჩაერთო 44
მათგანი.
იმისთვის, რომ ფერმერმა გაიგოს, სად შეუძლია ყურძნის ჩაბარება,
ტერიტორიული ორგანოს რწმუნებულს უნდა მიმართოს ან დარეკოს ღვინის
ეროვნული სააგენტოს ცხელ ხაზზე - 15 01.
მასალის გამოყენების პირობები