საგარეჯოს მუნიციპალიტეტში კორონავირუსის პირველი შემთხვევა დადასტურდა. კორონავირუსი სოფელ ბადიაურის მკვიდრს, ახალგაზრდა ბიჭს დაუდგინდა, რომელიც თელავში, შემოსავლების სამსახურში მუშაობს.
თვითიზოლაციაშია დაინფიცირებული ახალგაზრდის დედა, რომელიც ბადიაურის საჯარო სკოლის პედაგოგია. როგორც seqtri.ge-ს საგანმანათლებლო რესურსცენტრის ხელმძღვანელმა მანანა ცუცქირიძემ განუცხადა, პედაგოგს ტესტს დღეს აუღებენ და პასუხი ხვალ გახდება ცნობილი. 

შეგახსენებთ, რომ კახეთში ბოლო 24 საათის განმავლობაში კორონავირუსით 46 ადამიანი დაინფიცირდა.