გურჯაანში ტექნოპარკის მშენებლობა დასრულდა. მერის პირველი მოადგილის,
თემურ ზავრაშვილის განმარტებით, ამჟამად მიმდინარეობს კოსმეტიკური
სამუშაოები და შენობის ინვენტარით აღჭურვა.
„სამი - ოთხის დღის წინ დასრულდა მშენებლობა. დაცვის პოილიციამ
გადაიბარა უკვე ობიექტი. დასრულებულია განათება, ეზოს მოპირკეთება,
გათბობის სისტემა, ვენტილაცია და ა.შ. უნდა ჩამოიტანონ აღჭურვილობა:
ხმის გამაძლიერებელი სისტემა, ავეჯის ნაწილი და სხვა. მგფ-მა შეამოწმა
მშენებლობა, რამდენიმე ხარვეზი აღმოჩნდა და ისიც გამოსწორდა. ამის
შემდეგ გადაიბარებს მერია.“
მისივე თქმით, იგეგმება მომსახურე პერსონალის დატრენინგება, რომელიც
ქვეყანაში არსებული კორონავირუსის პანდემიის გამო ფერხდება. ობიექტის
გახსნის თარიღი ჯერჯერობით უცნობია.
მასალის გამოყენების პირობები