დღეს, არჩევნების მეორე ტურში, კახეთის მე-10 მაჟორიტარულ საარჩევნო
ოლქში სასურველი კანდიდატისთვის ხმის მისაცემად, 51 785 ამომრჩეველი
მივიდა
, რაც
საერთო რაოდენობის 33,72%-ია. პირველ ტურთან
შედარებით, მეორე ტურში აქტივობა თითქმის ორჯერ იყო შემცირებული.
პირველ ტურში აღნიშნულ ოლქში არჩევნებში სულ 91 376
ამომრჩეველი მონაწილეობდა, ანუ საერთო რაოდენობის 59,49 %.
ცენტრალური საარჩევნო კომისიის პრეს-სპიკერის, ნათია იოსელიანის
განცხადებით, ყველაზე მაღალი აქტივობა დაფიქსირდა აჭარის რეგიონში -
39.29 %, ხოლო ყველაზე დაბალი - ნაძალადევში, №7-ე მაჟორიტარულ
საარჩევნო ოლქში - 20.04%.
მისივე განცხადებით, დღის განმავლობაში, კენჭისყრის პროცესთან
დაკავშირებით, საოლქო საარჩევნო კომისიებში შევიდა 12 საჩივარი. მათი
უმრავლესობა ძირითადად პროცედურულ ხარვეზებს შეეხება.
მე-10 მაჟორიტარულ ოლქში, რომელიც მოიცავს, თელავის, ახმეტის,
ყვარლისა და ლაგოდეხის მუნიციპალიტეტებს, სულ 153 576 ამომჩეველია.
აღნიშნულ ოლქში ერთმანეთს „ქართული ოცნება-
დემოკატიული საქართველოს“ კანდიდატი, ირაკლი ქადაგიშვილი და „ერთიანი
ნაციონალური მოძრაობა- გაერთიანებული ოპოზიცია ძალა ერთობაშია“
კანდიდატი, გიორგი ბოტკოველი უპირისპირდებოდნენ.
მიუხედავად იმისა, რომ ოპოზიციამ არჩევნებს ბოიკოტი გამოუცხადა, მათი
განდიდატის გვარი ბიულეტენში მაინც ეწერა.
მასალის გამოყენების პირობები