მიმდინარეობს მუშაობა, რომ ვაქცინა უფრო ადრე მივიღოთ- პაატა იმნაძე
დაავადებათა კონტროლის ცენტრის ხელმძღვანელის მოადგილის, პაატა
იმნაძის განცხადებით, ვაქცინის უფრო ადრე მისაღებად,მუშაობა
მიმდინარეობს.
„ვაქცინა მოსახლეობის 20 პროცენტისათვის, დაახლოებით 700 000
ადამიანისთვის არის შეკვეთილი. იმედი გვაქვს, რომ COVAX-ის პლატფორმა
ამ ვაქცინას მოგვაწოდებს გაზაფხულზე, მარტი-აპრილის თვეებში.
მწარმოებელ ქვეყნებთან უკვე მიმდინარეობს მუშაობა, საგარეო საქმეთა
სამინისტროს ჩართულობით, რომ თუ შესაძლებელი იქნება, პირდაპირი
კონტაქტებით უფრო ადრე მივიღოთ ვაქცინები“, - აღნიშნა პაატა
იმნაძემ.
შეგახსენებთ, რომ ვირუსით ინფიცირების პირველი შემთხვევა ქვეყანაში
2020 წლის 26 თებერვალს დადასტურდა. 21 მარტს საქართველოში საგანგებო
მდგომარეობა ამოქმედდა, 31 მარტიდან კი - საყოველთაო კარანტინის
რეჟიმი.
მასალის გამოყენების პირობები