შინაგან საქმეთა სამინისტრომ მოქმედი რეგულაციების დარღვევის კიდევ
574 ფაქტი გამოავლინა.
უწყების ინფორმაციით, 24 საათის განმავლობაში პირბადის ტარების წესის
დარღვევის ფაქტზე, ადმინისტრაციულ სამართალდარღვევათა კოდექსის
42(11)-ე მუხლის შესაბამისად 450 ფიზიკური პირი დაჯარიმდა. პოლიციამ
ადმინისტრაციულ სამართალდარღვევათა კოდექსის 42(10)-ე მუხლის
შესაბამისად 124 ფიზიკური პირი დააჯარიმა. დაჯარიმებულთა შორის არიან
მოქალაქეები, რომლებმაც 21 საათიდან დილის 5 საათამდე დაწესებული
გადაადგილების შეზღუდვის წესი დაარღვიეს.
შეგახსენებთ, რომ პირბადის ტარების წესის დარღვევა იწვევს
ადმინისტრაციულ პასუხისმგებლობას და ასკ-ის 42(11) -ე მუხლის
შესაბამისად ჯარიმას 20 ლარის ოდენობით. იზოლაციისა და კარანტინის
წესის დარღვევა იწვევს ადმინისტრაციულ პასუხისმგებლობას და ასკ–ის
42(10)-ე მუხლის შესაბამისად ფიზიკური პირის დაჯარიმებას 2 000 ლარით,
ხოლო იურიდიული პირის – 10 000 ლარის ოდენობით. განმეორებითი ჯარიმა
კი სისხლისსამართლებრივ პასუხისმგებლობას ითვალისწინებს.
მასალის გამოყენების პირობები