საქართველოს პრემიერ-მინისტრმა ირაკლი ღარიბაშვილმა ვიცე-პრემიერებად
დავით ზალკალიანი და ივანე მაჭავარიანი დანიშნა. შესაბამისი
გადაწყვეტილების შესახებ ღარიბაშვილმა მთავრობის სხდომაზე განაცხადა.
შეგახსენებთ, რომ საგარეო საქმეთა მინისტრ დავით ზალკალიანს
ვიცე-პრემიერის პოსტი გიორგი გახარიას პრემიერობის დროსაც ეკავა. რაც
შეეხება კიდევ ერთ ვიცე-პრემიერს, გახარიას მინისტრთა კაბინეტში
აღნიშნულ თანამდებობას მაია ცქიტიშვილი იკავებდა, რომელმაც გიორგი
გახარიას წასვლის შემდეგ რეგიონული განვითარებისა და ინფრასტრუქტურის
მინისტრის თანამდებობა დატოვა.
მასალის გამოყენების პირობები