შინაგან საქმეთა სამინისტროს კახეთის პოლიციის დეპარტამენტის
თანამშრომლებმა, საგარეჯოში მომხდარი დაჭრის ფაქტი გახსნეს.
1982 წელს დაბადებული ო.ს. ცეცხლსასროლი იარაღის მართლსაწინააღმდეგო
შეძენა-შენახვა-ტარების და ჯანმრთელობის დაზიანების ბრალდებით
დააკავეს.
გამოძიებით დადგინდა, რომ ბრალდებულმა, ყოფით თემაზე დაწყებული
ურთიერთშელაპარაკების ნიადაგზე, თავის ნაცნობს - 1977 წელს დაბადებულ
ზ.ქ.-ს პისტოლეტიდან გასროლით სხეულზე ჭრილობა მიაყენა და მიიმალა.
დაჭრილი მამაკაცი გადაყვანილია კლინიკაში და შესაბამისი სამედიცინო
მკურნალობა უტარდება.
სამართალდამცველებმა ნივთმტკიცების სახით ამოიღეს მაკაროვის სისტემის
პისტოლეტი. გამოძიება საქართველოს სისხლის სამართლის კოდექსის 236-ე
და 120-ე მუხლებით მიმდინარეობს. დანაშაულები 4-დან 7 წლამდე ვადით
თავისუფლების აღკვეთას ითვალისწინებს.
მასალის გამოყენების პირობები