შინაგან საქმეთა სამინისტროს თანამშრომლებმა 1958 წელს
დაბადებული თ.ს. წინასწარი შეცნობით თოთხმეტი წლის ასაკს მიუღწეველი
პირის მიმართ ჩადენილი გარყვნილი ქმედების ბრალდებით დააკავეს.
ჩატარებული გამოძიებით დადგინდა, რომ 2019 წელს, საცხოვრებელ
კორპუსთან განთავსებულ ავტოფარეხში, თ.ს.-მ გარყვნილი ქმედება
განახორციელა მისთვის წინასწარი შეცნობით თოთხმეტი წლის ასაკს
მიუღწეველ, 7 წლის ლ.ბ.-ის მიმართ. ამასთან, 2021 წლის 8 აპრილს,
არასრულწლოვანმა ლ.ბ.-მ ქუჩაში დაინახა თ.ს., შეეშინდა და გაიქცა,
შემდგომ კი თხრილში ჩავარდა.გამოძიებით დადგინდა ასევე, რომ 2021 წლის
იანვარში, თ.ს.-მ გარყვნილი ქმედება განახორციელა ლ.ბ.-ის მეგობრის,
მისთვის წინასწარი შეცნობით 16 წლის ასაკს მიუღწეველ, მ.ზ.-ის
მიმართ.
გამოძიება სისხლის სამართლის კოდექსის 141-ე მუხლის 1 -ლი და მე-2
ნაწილის „ვ“ ქვეპუნქტებით მიმდინარეობს.
დანაშაული 8-დან 12 წლამდე ვადით თავისუფლების აღკვეთას
ითვალისწინებს.
მასალის გამოყენების პირობები