ლაგოდეხის მუნიციპალიტეტში ეპიდეოლოგიური ვითარება გაუარესდა. საზოგადოებრივი ჯანდაცვის ცენტრის ინფორმაციით, გუშინ ჩატარებული ტესტირების შედეგად კოვიდინფექცია 22 ადამიანს დაუდასტურდა.

ამ დროისთვის, დისტანციური მუშაობის რეჟიმზეა გადასული თითქმის ყველა საჯარო დაწესებულება, დაკეტილია 4 საჯარო სკოლა და საბავშვო ბაღი. ლაგოდეხის კოვიდკლინიკაში მკურნალობას 40 პაციენტი გადის.

შეგახსენებთ, რომ ლაგოდეხში კორონავირუსის შემთხვევების სწრაფი მატება აპრილის პირველი რიცხვებიდან დაიწყო. სპეციალისტების განმარტებით, შემთხვევების უმრავლესობა, ე.წ ბრიტანული შტამია.