გორის გვირაბებში ავტოტრანსპორტის მოძრაობა მონაცვლეობით შეიზღუდება
საავტომობილო გზების დეპარტამენტის ინფორმაციით, დამოუკიდებლობის დღის
აღნიშვნასთან დაკავშირებით, თბილისი–სენაკი–ლესელიძის საავტომობილო
გზის 88-ე კმ-ზე მონაკვეთზე მდებარე გორის საავტომობილო გვირაბში,
დაგეგმილი პროფილაქტიკური სამუშაოების ჩატარების თარიღი შეიცვალა.
კერძოდ, 2021 წლის 28 მაისის 23:00 სთ-დან 29 მაისის 02:30 სთ-მდე
გვირაბის თბილისი-სენაკის, ხოლო 29 მაისის 02:30 სთ-დან 05:00 სთ-მდე
გვირაბის სენაკი-თბილისის მიმართულებებზე, იკრძალება ყველა სახის
ავტოტრანსპორტის მოძრაობა.
„საავტომობილო გვირაბის თბილისი-სენაკის მიმართულების ჩაკეტვის
პერიოდში ავტოტრანსპორტის ნაკადი გადაერთვება გვირაბის
სენაკი-თბილისის მიმართულებაზე და სენაკი-თბილისის მიმართულება
გადაერთვება შიდასახელმწიფოებრივი მნიშვნელობის გორის გვირაბების
შემოსავლელ საავტომობილო გზაზე.საავტომობილო გვირაბის სენაკი-თბილისის
მიმართულების ჩაკეტვის პერიოდში ავტოტრანსპორტის ნაკადი გადაერთვება
შიდასახელმწიფოებრივი მნიშვნელობის გორის გვირაბების შემოსავლელ
საავტომობილო გზაზე. აღნიშნული რეჟიმით მოძრაობა განხორციელდება
საპატრულო პოლიციის უშუალო ზედამხედველობით და კოორდინაციით“ –
ნათქვამია ინფორმაციაში.
მასალის გამოყენების პირობები