თუ სამ თვეში სამ მილიონ აცრას გავაკეთებთ, სრულად შევაკავებთ პანდემიის ყველა მაჩვენებელს- გამყრელიძე
დაავადებათა კონტროლის ეროვნული ცენტრის ხელმძღვანელის განცხადებით,
უნდა შევეცადოთ, რომ მომდევნო სამი თვე – აგვისტო, სექტემბერი,
ოქტომბერი, აცრების მაქსიმალური რაოდენობა ჩატარდეს.
ამირან გამყრელიძემ ვაქცინაციის პროცესის სამი სამიზნე სცენარის
შესახებ იმუნიზაციის საბჭოს დღევანდელი სხდომის დასრულების შემდგომ
ისაუბრა და მოსახლეობას აქტიურობისკენ მოუწოდებს.
„ეს ჩვენ დავყავით სამ სამიზნედ: საუკეთესო და იდეალური იქნება, თუ
ჩვენ მილიონ აცრას გავაკეთებთ თითო თვეში, სამ მილიონს – სამ თვეში,
სრულად შევაკავებთ და გადავლახავთ ამ პანდემიის ყველა
მაჩვენებელს;
შემდეგი სამიზნე არის 800 ათასი აცრა ყოველ თვეში, რომელიც ძალიან
კარგი იქნება, მაშინ დღეში უნდა გავაკეთოთ 25-26 ათასი აცრა;
და მესამე, შედარებით მოკრძალებული, მაგრამ თუ ამასაც გავაკეთებთ,
დამერწმუნეთ, რომ სერიოზულ შედეგებს მივიღებთ, ეს არის 600 ათასი
აცრა, ეს ნიშნავს 300 ათასი ადამიანის აცრას ყოველთვიურად“.-
განაცხადა მან.
მასალის გამოყენების პირობები