პედაგოგებსა და პროფესორ-მასწავლებლებს კოვიდსაწინააღმდეგო აცრისთვის წინასწარი ჯავშანი აღარ დასჭირდებათ
განათლების და მეცნიერების სამინისტროს ინფორმაციით, დღეიდან
დამატებით ამოქმედდა ამცრელი კაბინეტი.
ახლადამოქმედებულ პუნქტებში საჯარო და კერძო სკოლების მასწავლებლები,
პროფესიული მასწავლებლები, პროფესორ-მასწავლებლები, მეცნიერები,
ადმინისტრაციული პერსონალი და სამინისტროს დაქვემდებარებაში მყოფი
სსიპ-ების თანამშრომლები წინასწარი რეგისტრაციის გარეშე სასურველი
ვაქცინით აცრას შეძლებენ.
პედაგოგებს არჩევანის გაკეთება ფაიზერის, სინოფარმისა და სინოვაკის
ვაქცინებს შორის შეუძლიათ. განათლების სამინისტროს მტკიცებით, ამ
ეტაპზე მასწავლებელთა 20%-ზე მეტია აცრილი და პროცესი აქტიურ რეჟიმში
მიმდინარეობს. თუმცა, დაავადებათა კონტროლის ეროვნული ცენტრის ბოლო
მონაცემები, რომელიც პედაგოგთა ვაქცინაციის მაჩვენებლებს ასახავს
ასეთია: სკოლის პერსონალი – მინიმუმ 1 დოზით აცრილი – 1100; სრული
დოზით აცრილი -282; ვადა 15 მარტი – 1 აგვისტო.
განათლების და მცნიერების სამინისტრო მოქალაქეებს შეახსენებს, რომ
ვაქცინაცია ნებაყოფლობითია და მხოლოდ სახელმწიფოს მიერ დადგენილ
ასაკობრივ ჯგუფებზე ვრცელდება.
მასალის გამოყენების პირობები