სრულად ვაქცინირებული პირებისთვის იუსტიციის სამინისტრო შეღავათებს აწესებს
იუსტიციის სამინისტროს ინფორმაციით, კოვიდვაქცინის ორი დოზით აცრილი
პირები სერვისების ნაწილს უფასოდ მიიღებენ, ნაწილს კი – ნახევარ
ფასად.
უწყების ინფორმაციით, სრულად ვაქცინირებულები უსასყიდლოდ იუსტიციის
სამინისტროს შემდეგი სერვისებით ისარგებლებენ:
ინდივიდუალური მეწარმის რეგისტრაცია, რეგისტრირებულ მონაცემებში
ცვლილება და შეწყვეტა;
უძრავ ქონებაზე ამონაწერის განახლება.
კოვიდვაქცინის ორივე დოზით აცრილ პირებზე 50%-იანი ფასდაკლება
იმოქმედებს შემდეგ სერვისებზე:
ქორწინების დამაბრკოლებელი გარემოებების შესახებ ცნობა;
ID ბარათზე სერტიფიკატის განახლება.
დაწესებული შეღავათების მიღება ორჯერადად ვაქცინირებულთათვის
იუსტიციის სახლებსა და საზოგადოებრივ ცენტრებში წინასწარი ჯავშნის
გარეშე იქნება შესაძლებელი.
მასალის გამოყენების პირობები