გურჯაანის ბაღებში 2000- მდე აღსაზრდელისთვის სასურსათო კალათები დარიგდება
გურჯაანის მუნიციპალიტეტის 37 საბავშვო ბაღის 2000-მდე აღსაზრდელი
სასურსათო კალათს მიიღებს.
სკოლამდელი სააღმზრდელი დაწესებულებების გაერთიანების დირექტორის ლელა
თევდორაშვილის ინფორმაციით, სასურსათო კალათებზე მუშაობა დაწყებულია
და მისი გაცემა 20 სექტემბრიდან კოვიდრეგულაციების დაცვით
დაიწყება.
„ გურჯაანის მაჟორიტარი დეპუტატის დავით სონღულაშვილის ინიციატივით
გადაწყდა, რომ იძულებითი არდადეგების პერიოდში ჩვენი
აღსაზრდელებისთვის გაგვემზადებინა და გადაგვეცა ე.წ. სასურსათო
კალათები. ამ ეტაპზე ჩარიცხულ აღსაზრდელთა სიების დაზუსტება
მიმდინარეობს. ყველა ის ბავშვი, რომელიც 1 სექტემბრისთვის
დარეგისტრირებულია გურჯაანის მუნიციპალიტეტის ნებისმიერ ბაღში,
სასურსათო კალათს მიიღებს. კალათი განისაზღვრება 10 პირველადი
მოხმარების სასურსათო პროდუქტისგან. თითო კალათის ღირებულება 45-50
ლარი იქნება, ჯამში კი პროდუქტების შესაძენად დაახლოებით 80 000-85
000 ლარი დაიხარჯება. სასურსათო კალათების მომზადების პროცედურები 20
სექტემბრამდე გაგრძელდება, 20 სექტემბრის შემდეგ კი ყველა
კოვიდრეგულაციის დაცვით, აღსაზრდელთა მშობლებს საბავშვო ბაგა- ბაღებში
შეეძლებათ კუთვნილი პროდუქტის მიღება."
ლელა თევდორაშვილის განმარტებით, საბავშვო ბაღებში სააღმზრდელო
პროცესი 4 ოქტომბრამდე არ განახლდება. სასურსათო კალათების
მომზადებისთვის კი 150 000 ლარამდე დაიხარჯება.
მასალის გამოყენების პირობები