დაავადებათა კონტროლის ეროვნული ცენტრის მონაცემებით, 20 სექტემბერს
აიცრა 15 096 ადამიანი. 19 სექტემბერს - 7720.
ბოლო რამდენიმე დღეა ვაქცინაციის დღიური მაჩვენებელი 20 ათასსაც არ
აღწევს, მაშინ, როცა დაავადებათა კონტროლის ეროვნული ცენტრი და
ჯანდაცვის სამინისტრო იმუნიზაციის მიზნის მისაღწევად აუცილებლად
მიიჩნევენ დღეში 25 000-30 000 აცრის გაკეთებას.
15 მარტიდან საქართველოში ჩატარებულია 1 671 295 აცრა. ერთი დოზით
ვაქცინირებულია 952 219 ადამიანი, ანუ მოზრდილი მოსახლეობის 33.3%.
სრულად ვაქცინირებულია 719 076 - მოზრდილი მოსახლეობის 25.2%.
ეპიდემიოლოგების თანახმად, ე.წ. საზოგადოებრივი იმუნიტეტისთვის
საჭიროა, აცრილი იყოს მოზრდილი მოსახლეობის სულ მცირე 60%.
საქართველოში ნებაყოფლობითი, უფასო ვაქცინაცია მიმდინარეობს
"ფაიზერის", "სინოფარმის", "სინოვაკისა" და "ასტრაზენეკას"
ვაქცინებით.
მასალის გამოყენების პირობები