სიღნაღის მუნიციპალიტეტში ოთხი საჯარო სკოლა დისტანციურ სწავლებაზეა
გადასული.
როგორც speqtri.ge-ს საგანმანათლებლო რესურსცენტრის ხელმძღვანელმა,
ლია ბეჟაშვილმა განუცხადა, ერთ მათგანში სარეაბილიტაციო სამუშაოები
მიმდინარეობს, სამი კი - კორონავირუსის გახშირებული შემთხვევების
გამოა დაკეტილი.
"ერთი თვის მანძილზე სხვადასხვა სკოლა დაგვეხურა. სიღნაღის სკოლში
სარემონტო სამუშაოები ტარდება და მაგის გამო შეწყდა სასწავლო პროცესი.
დღეს დაიკეტა წნორის #1 საჯარო სკოლა, მანამდე შეჩერდა სასწავლო
პროცესი #3 სკოლაში. დაკეტილია აგრეთვე ბოდბისხევის საგანმანათლებლო
დაწესებულება. ვირუსი უფიქსირდებოდათ როგორც მოსწავლეებს, ისე
პედაგოგებს. ჯანდაცვის სამსახურთან მუდმივ კოორდინაციაში ვართ და
ამიტომ მივიღეთ ეს გადაწყვეტილება,"-აღნიშნა მან.
ცნობისთვის, სიღნაღის მუნიციპალიტეტში 20 საჯარო და 2 კერძო
სკოლაა.
მასალის გამოყენების პირობები