82 წლის ასაკში ქართველი დიპლომატი, პუბლიცისტი, მწერალი, პედაგოგი და
ტელეწამყვანი გელა ჩარკვიანი გარდაიცვალა. ამის შესახებ თავისი შვილი,
თეონა ჩარკვიანი სოციალურ ქსელში წერს.
გელა ჩარკვიანის კარიერა საქართველოს ტელევიზიიდან დაიწყო, სადაც
1976-დან 1994 წლამდე საავტორო გადაცემა მიჰყავდა. 1984-დან 1992
წლამდე იყო საქართველოს კულტურულ ურთერთობათა ვიცე-პრეზიდენტი.
1980-იან წლებში და 1990-იანი წლების დასაწყისში გელა ჩარკვიანმა
მონაწილეობა მიიღო აშშ-ის, ჯორჯიის შტატის მთავრობასა და საქართველოს
მთავრობას შორის ახლო კავშირების ჩამოყალიბებაში. ჩარკვიანი ამერიკელ
მთხრობელსა და მეზღაპრე ლორელი კულის თბილისში, 1989 წლის ნოემბერში
ვიზიტისას ქართული ზღაპრების შეგროვებაში დაეხმარა. მოგვიანებით,
1990-იანი წლების დასაწყისში ქართველ მსახიობთა ჯგუფთან ერთად
იმოგზაურა ატლანტაში, სადაც ამერიკაში მცხოვრები ქართველებისთვის
მოეწყო ტრადიციული, ქართული ღონისძიება – თბილისობა.
1992 წლიდან 2003 წლამდე ჩარკვიანი საგარეო პოლიტიკის საკითხებში
პრეზიდენტ ედუარდ შევარდნაძის მრჩეველი იყო, 2005 წელს დიდ ბრიტანეთსა
და ირლანდიაში საქართველოს წარმომადგენელი, ხოლო 2006 წლიდან - ელჩი.
დიპლომატიური საქმიანობა 2011 წლის სექტემბერში შეწყვიტა.
დაჯილდოებულია ღირსების ორდენით (1998), ბრწყინვალების საპრეზიდენტო
ორდენით (2011) და წმინდა გიორგის სახელობის გამარჯვების ორდენით
(2013).
მასალის გამოყენების პირობები