მას შემდეგ, რაც COVID-19-ის საწინააღმდეგო ვაქცინაციით აცრა 12-15
წლის ასაკის მოზარდებისთვის შესაძლებელი გახდა, ამ ასაკობრივ ჯგუფში
643 ბავშვი აიცრა.
ამის შესახებ საკოორდინაციო საბჭოს სხდომის დასრულების შემდეგ
გამართულ ბრიფინგზე ჯანდაცვის მინისტრის მოადგილე თამარ გაბუნიამ
განაცხადა.
გაბუნიას ინფორმაციით, 16-დან 18 წლამდე 11 ათასზე მეტი მოზარდია
აცრილი.
„რაც შეეხება 12-დან 15 წლის ასაკის ბავშვების ვაქცინაციას, 643 დოზის
ადმინისტრირება მოხდა აქამდე სულ. 16-დან 18 წლამდე აცრილია 11 ათასზე
მეტი მოზარდი. რა თქმა უნდა, ამ მიმართულებით მუშაობა გრძელდება“, –
აღნიშნა მან.
ცნობისთვის, 12-დან 15 წლამდე ასაკობრივ ჯგუფში შემავალი ბავშვების
ვაქცინაცია „ფაიზერის“ ვაქცინის ორი დოზით შესაძლებელი 9 ნოემბრიდან
გახდა. იმუნიზაციის საბჭოს მიერ მიღებული გადაწყვეტილების თანახმად,
ვაქცინაციის პროცესში მნიშვნელოვანია მშობლის თანხმობა.
მასალის გამოყენების პირობები