მასწავლებელთა და სკოლის ადმინისტრაციის წარმომადგენელთა 73.6%–ი ვაქცინირებულია
განათლების სამინისტროს ინფორმაციით, ინტენსიურ რეჟიმში მიმდინარეობს
მასწავლებელთა და ადმინისტრაციული პერსონალის ტესტირების პროცესი. ამ
დროისათვის აცრილია მასწავლებელთა და სკოლის ადმინისტრაციის
წარმომადგენელთა 73.6%
„როგორც ცნობილია, საქართველოს განათლებისა და მეცნიერების
სამინისტროს მხარდაჭერით, დაავადებათა კონტროლისა და საზოგადოებრივი
ჯანმრთელობის ეროვნული ცენტრის წარმომადგენლებმა 400-ზე მეტი საჯარო
და კერძო სკოლის ექიმი გადაამზადეს. სწორედ გადამზადებული ექიმები
უზრუნველყოფენ აღნიშნულ სკოლებში Covid-19-ზე თანამშრომელთა
ტესტირებას. ხოლო იმ სკოლებში, სადაც ექიმები ჯერ არ გადამზადებულან,
ტესტირების პროცესი დაავადებათა კონტროლისა და საზოგადოებრივი
ჯანმრთელობის ეროვნული ცენტრის ორგანიზებით გაგრძელდება“, – ნათქვამია
უწყების მიერ გამოქვეყნებულ ინფორმაციაში.
მასალის გამოყენების პირობები