იუსტიციის სამინისტროს საჯარო რეესტრის ეროვნულმა სააგენტომ მიწის
სისტემური რეგისტრაცია დაიწყო.
სააგენტო 2022-2024 წლების განმავლობაში, საქართველოს 59
მუნიციპალიტეტში (გარდა ოკუპირებული ტერიტორიისა და თვითმმართველი
ქალაქებისა: თბილისი, ბათუმი, ქუთაისი, რუსთავი, ფოთი) საამზომველო და
სარეგისტრაციო საქმიანობებს განახორციელებს.
დღეს არსებული მდგომარეობით, ქვეყანაში მიწების 1/3
დაურეგისტრირებელია. საჯარო რეესტრის ეროვნული სააგენტო 2024 წლის
ბოლომდე ყველა მუნიციპალიტეტის ტერიტორიაზე სისტემურ რეგისტრაციას
ეტაპობრივად უზრუნველყოფს.
სისტემური რეგისტრაციის ფარგლებში მოქალაქეები საფასურის გადახდის
გარეშე მიიღებენ შემდეგ მომსახურებებს:
• მიწის ნაკვეთების საკადასტრო აგეგმვითი/აზომვითი სამუშაოები;
• უფლების დამადასტურებელი დოკუმენტაციის მოძიება და
სისტემატიზაცია;
• გარიგებაზე მხარეთა ხელმოწერების დამოწმება;
• სანოტარო მედიაცია;
• მიწის ნაკვეთზე საკუთრების უფლების აღიარება;
• ფაქტების კონსტატაცია;
• მიწის ნაკვეთის ადგილმდებარეობის, უფლების დამადასტურებელ
დოკუმენტთან იდენტურობის დადგენა;
• მიწის ნაკვეთზე საკუთრების უფლების და მასში ცვლილების
რეგისტრაცია.
მიწის სისტემური რეგისტრაციის პარალელურად, მოქალაქეებს კვლავაც
შეეძლებათ ისარგებლონ მიწის სპორადული რეგისტრაციით.
მასალის გამოყენების პირობები