საკოორდინაციო საბჭოს გადაწყვეტილებით დღეიდან საქართველოში გარკვეული
შეზღუდვები მოიხსნა.
საჰაერო, სახმელეთო და საზღვაო საზღვრით შემოდის უცხო ქვეყნის ყველა
მოქალაქე/რეზიდენტი, რომელიც - არის სრულად ვაქცინირებული; ხოლო
ვაქცინაციის არქონის შემთხვევაში - წარადგენს 72-საათიანი ვალიდურობის
მქონე PCR-ტესტს (მესამე დღეს PCR ტესტირების ვალდებულების გარეშე);
იხსნება ქვეყნების ე.წ. ჩამკეტი;
ქვეყანაში საქართველოს მოქალაქეების PCR-ტესტით შემოსვლის
შემთხვევაში, იხსნება მესამე დღეს PCR-ტესტირების ვალდებულება, ხოლო
PCR-ტესტის არქონის შემთხვევაში, არსებული 8-დღიანი თვითიზოლაცია
შემცირდება 5 დღემდე;
კვების ობიექტებში ღია სივრცეში ერთ მაგიდასთან დაიშვება 15 ადამიანი
(არსებული 10-ის ნაცვლად); დახურულ სივრცეში ერთ მაგიდასთან დაიშვება
10 ადამიანი (არსებული 6-ის ნაცვლად); უქმდება სტუმართა მაქსიმალური
რაოდენობის შეზღუდვა;
სოციალური ღონისძიებების (წვეულება, დაბადების დღე, ქორწილი, ქელეხი)
გამართვა დასაშვები იქნება იმავე პირობით - დახურულ სივრცეში ერთ
მაგიდასთან - 10 ადამიანის, ხოლო ღია სივრცეში - ერთ მაგიდასთან 15
ადამიანის განთავსება.
უქმდება საკარანტინე სივრცეები, ე.წ კოვიდ-სასტუმროები, დღეიდან
აღნიშნულ სივრცეებში ინფიცირებულთა შეყვანა შეჩერდება; უქმდება
თერმოსკრინინგისა და ჟურნალის წარმოების ვალდებულება; უქმდება
დეზობარიერის ქონის ვალდებულება; უქმდება ბუფეტის მომსახურებაზე
შეზღუდვა;
4 მარტიდან დასაშვებია კლუბების ფუნქციონირება - ღონისძიების საერთო
ფართის 60%-იანი დატვირთვით. 15 მარტიდან დასაშვებია კონფერენციების,
სემინარების და ტრენინგების ჩატარება შეზღუდვების გარეშე;
საკოორდინაციო საბჭოს სხდომები ყოველკვირეული სიხშირის ნაცვლად, ორ
კვირაში ერთხელ გაიმართება;
მასალის გამოყენების პირობები