შინაგან საქმეთა სამინისტროს ოფიციალურ ვებგვერდზე გამოქვეყნებული ინფორმაციის თანახმად, 2022 წლის იანვარ- თებერვალში კახეთის რეგიონში, ოჯახში ძალადობის ფაქტზე 298 პირი ამხილეს.
სტატისტიკის თანახმად, კახეთის რეგიონი ოჯახური ძალადობის ფაქტების მიხედვით თბილისის შემდეგ მეორე ადგილს იკავებს.

ორი თვის განმავლობაში რეგიონში სულ 164 შემაკავებელი ორდერი გამოიცა.

იანვრის თვეში მსხვერპლის სტატუსი 23 კაცს და 60 ქალს მიენიჭა, ხოლო მოძალადე 59 შემთხვევაში კაცი იყო,15 შემთხვევაში კი ქალი.

რაც შეეხება თებერვალს, მსხვერპლის სტატუსი მიენიჭა 20 კაცსა და 54 ქალს,  მოძალადე 51 შემთხვევაში კაცი იყო, 16 შემთხვევაში კი ქალი. 

სტატისტიკა მოიცავს,როგორც ფსიქოლოგიურ, ფიზიკურ, ასევე ეკონომიკურ ძალადობას.

სტატისტიკის თანახმად, საქართველოს მასშტაბით იანვარში ოჯახურ ძალადობაზე 1512 პირი ამხილეს, თებერვალში კი 1152.