თუშეთი გზაზე გაწმენდითი სამუშაოები ინტენსიურ რეჟიმში მიმდინარეობს.
ამის შესახებ speqtri.ge-ს ახმეტის მერმა ალექსი ფიცხელაურმა
განუცხადა.
-"მოგეხსენებათ უხვთოვლიანი გაზაფხული გვქონდა . ამ დროისთვის,
თუშეთის გზა იწმინდება თოვლისგან და მეწყერული ნაშალისგან.
ვვარაუდობთ, რომ გზის გახსნა ამ თვის ბოლოს მოხერხდება. წელს თუშეთში
მუდმივად მცხოვრები 23 ადგილობრივი გვყავს,"- აღნიშნა ალექსი
ფიცხელაურმა.
ცნობისთვის, თუშეთის გზა მაისის შუა რიცხვებიდან ოქტომბრის ბოლომდეა
გახსნილი. აბანოს უღელტეხილზე დიდთოვლობის გამო გზა 6 თვის
განმავლობაში იკეტება და თუშეთში მოხვედრა მხოლოდ ვერტმფრენის
მეშვეობითაა შესაძლებელი. ომალო-ალვანის საავტომობილო გზა ერთ-ერთი
ყველაზე რთული სატრანსპორტო მონაკვეთია საქართველოში. BBC–მ 2013 წელს
ეს გზა ევროპის ყველაზე ექსტრემალური გზების ჩამონათვალში
შეიყვანა.
მასალის გამოყენების პირობები