ქალაქ თელავში, გივი ჩოხელის სახელობის საფეხბურთო მოედანზე არსებულ
სათადარიგო ფეხბურთის სტადიონს რეაბილიტაცია ჩაუტარდება.
პროექტი, რომლის ღირებულებაც 2 649 473 ლარს შეადგენს, საპილოტე
რეგიონების ინტეგრირებული განვითარების პროგრამის და ადგილობრივი
ბიუჯეტის თანადაფინანსებით განხორციელდება.
პროექტის ფარგლებში, დაგეგმილია საერთაშორისო სტანდარტების შესაბამისი
ბუნებრივსაფარიანი სტადიონის და ტრიბუნების მოწყობა, მოედნის
შემოღობვა, გასახდელების და სველი წერტილის მშენებლობა.
თელავის მერიაში ამბოვენ,რომ პროექტის განხორციელება ხელს შეუწყობს
საქართველოს უმაღლესი ლიგისა და სხვადასხვა ასაკობრივი კატეგორიის
ტურნირების მატჩების ჩატარებას, ცხოვრების ჯანსაღი წესის და ფეხბურთის
პოპულარიზაციას.
თელავის მუნიციპალიტეტის მერიამ სარეაბილიტაციო სამუშაოების
შესყიდვაზე ტენდერი უკვე გამოაცხადა.
მასალის გამოყენების პირობები