ახმეტის მუნიციპალიტეტის მერიის
ინფორმაციით, საპილოტე რეგიონების ინტეგრირებული
განვითარების პროგრამის ფარგლებში, ციხე-ქალაქ კვეტერასთან ტურისტული
ინფრასტრუქტურის მოწყობა იგეგმება.
მათი თქმით, ახალი ინფრასტრუქტურა მიზნად ისახავს ტურიზმის
სტიმულირებას და ადგილობრივი მოსახლეობისათვის ახალი შესაძლებლობების
შეთავაზებას.
ცნობისთვის, აღნიშნული პროექტის ფარგლებში დაგეგმილია ციხე-ქალაქ
კვეტერასთან მისასვლელი 600-მეტრიანი ახალი გზის მონაკვეთის დაგება,
ასევე ვიზიტორთა ცენტრის მშენებლობა და ადგილობრივი მოსახლეობისთვის
სავაჭრო ჯიხურების მოწყობა.
დამატებით მოეწყობა პარკინგი და საკემპინგე ადგილები, ასევე, წყლისა
და ელექტროენერგიის წყაროები.
მასალის გამოყენების პირობები