გარემოს ეროვნული სააგენტოს ინფორმაციით, 22 სექტემბრიდან - 25 სექტემბრის დილის საათებამდე საქართველოს უმეტეს ტერიტორიაზე მოსალოდნელია დროგამოშვებით ზოგან ძლიერი წვიმა და ელჭექი, შესაძლებელია სეტყვა, ქარის გაძლიერება.

მათივე თქმით, აღნიშნული პროცესები ზღვაზე 2-3 ბალიანი ღელვას გამოიწვევს.

ცნობისთვის, მოსალოდნელმა ძლიერმა ნალექებმა შესაძლებელია დასავლეთ საქართველოს მდინარეებზე წყლის დონის მნიშვნელოვანი მატება, პატარა მდინარეებზე წყალმოვარდნები, ხოლო მთიან ზონებში ღვარცოფული და მეწყრული პროცესების ჩასახვა გამოიწვიოს.

რაც შეეხება დედაქალაქს, თბილისში მოსალოდნელია ნაწილობრივ მზიანი ამინდი. ტემპერატურა +20-დან +30 გრადუსამდე შენარჩუნდება.