თელავის მუნიციპალიტეტის მერიის ინფორმაციით, თელავში, კულტურული მემკვიდრეობის სამი ძეგლის მიმდებარე ტერიტორია დასუფთავდა.
მათივე თქმით, დაბახნების წყაროს მიმდებარე, ძველი გალავნის შიდა და ბატონის ციხის გალავნის გარე პერიმეტრები მცირე ნაზარდებისგან, ეკალ-ბარდისა და საყოფაცხოვრებო ნარჩენებისგან გაიწმინდა.

ცნობისთვის, დასუფთავების სამუშაოები შპს ,,ჯი ენდ ვიმ“ შეასრულა, რისთვისაც ადგილობრივი ბიუჯეტიდან 9 880  ლარი გაიხარჯა.