ბაკურციხე-წნორის შემოვლითი 16.6 კმ-იანი გზის მშენებლობა დაიწყო.
აღნიშნული მონაკვეთი, თბილისი-ბაკურციხე-ლაგოდეხის გზის ნაწილია,
რომელიც მჭიდროდ დასახლებულ ტერიტორიაზე გადის და სატრანზიტო
მოძრაობის მაღალი ინტენსივობით გამოირჩევა. საავტომობილო გზების
დეპარტემენტის იმფორმაციით, ახალი გზა გვერდს აუვლის მჭიდროდ
დასახლებულ წნორს, 6 მიმდებარე სოფელს და ბაკურციხე-წნორის
მიმართულებით მოძრავ ავტოტრანსპორტს საჭიროების გარეშე აღარ მოუწევს
წნორში და მიმდებარე სოფელში გავლა
დეპარტამენტის ცნობითვე, ახალი შემოვლითი გზა
თბილისი-ბაკურციხე-ლაგოდეხი-აზერბაიჯანის საზღვრის საერთაშორისო გზას
არსებულ შიდასახელმწიფოებრივ გზასთან დააკავშირებს.
ბაკურციხე-წნორის შემოვლითი გზის პროექტი 2-ზოლიანი, ასფალტ-ბეტონის
საფარიანი გზის და 6 ხიდის მშენებლობას ითვალისწინებს
სამშენებლო სამუშაოების ღირებულება 87.8 მილიონი ლარია.
მასალის გამოყენების პირობები