გარემოს ეროვნული სააგენტოს ინფორმაციით, აღმოსავლეთ საქართველოში 21 დეკემბერს მოსალოდნელია შედარებით ცივი, ღრუბლიანი, ნისლიანი და ნალექიანი ამინდი.
მათივე თქმით, ნალექი მოსალოდნელია უმეტესად თოვლის სახით. ჰაერის ტემპერატურა ბარში დღისით +1 გრადუსიდან +6 გრადუსამდე დაფიქსირდება.

დასავლეთ საქართველოში მოსალოდნელია შედარებით თბილი და უმეტესად უნალექო ამინდი.

ჰაერის ტემპერატურა დღისით დაბლობ რაიონებში +11 გრადუსიდან +16 გრადუსამდე მოიმატებს და ზოგან იქროლებს აღმოსავლეთის მიმართულების ძლიერი ქარი.

რაც შეეხება დედაქალაქს, თბილისში 21 დეკემბერს თოვლჭყაპი და ნისლია მოსალოდნელი. ჰაერის ტემპერატურა დღის საათებში +3 გრადუსის ფარგლებში დაფიქსირდება, ხოლო 22 დეკემბრიდან 26 დეკემბრამდე უნალექო ამინდი იქნება.