გურჯაანის მუნიციპალიტეტში ის მოსწავლეები დააჯილდოეს, რომლებმაც
საჯარო სკოლა 2020-2021 წელს წარმატებით დაასრულეს. მერიის
ინფორმაციით, 67 მოსწავლიდან 61 ოქროს მედალოსანია და 6- ვერცხლის
მედალოსანი.
„გურჯაანის მუნიციპალიტეტში 2020-2021 წელს საჯარო სკოლა წარმატებით
67-მა მოსწავლემ დაასრულა, საიდანაც 61 ოქროს და 6 ვერცხლის
მედალოსანია. აღსანიშნავია, რომ გურჯაანი წარჩინებული
კურსდამთავრებულების რაოდენობით კახეთში ლიდერია. მედალოსნებს
სპეციალური სერთიფიკატები და ჯილდოები საქართველოს პარლამენტის
წევრმა, მაჟორიტარმა დეპუტატმა დავით სონღულაშვილმა , გურჯაანის
მუნიციპალიტეტის საკრებულოს თავმჯდომარემ ვანო ბერიძიშვილმა,
გურჯაანის მუნიციპალიტეტის მერმა ზურაბ უტიაშვილმა და გურჯაანის
საგანმანათლებლო რესურსცენტრის ხელმძღვანელმა დალი მინდიაშვილმა
გადასცეს,“ - აცხადებენ მერიაში.
დაჯილდოების ღონისძიება გუშინ, გურჯაანის ტექნოპარკში გაიმართა.
მასალის გამოყენების პირობები