დღეს ფაშიზმზე გამარჯვების 78-ე წლისთავთან დაკავშირებით, გურჯაანის მუნიციპალიტეტის მერმა ზურაბ უტიაშვილმა, მაჟორიტარ დეპუტატ დავით სონღულაშვილსა და ადგილობრივი ხელისუფლების წარმომადგენლებთან ერთად ყვავილებით შეამკეს დიდების მემორიალზე არსებული "მარადისობის კედელი" და "უცნობი ჯარისკაცის საფლავი".

დიდების მემორიალზე სიმბოლურად აენთო ცეცხლი. ღონისძიებას ადგილობრივი მოსახლეობა, ახალგაზრდები და ბავშვებიც ესწრებოდნენ. დღესასწაულზე იმღერეს ანსამბლ „გურჯაანისა“ და ანსამბლ „ხარებას“ მომღერლებმა.