ახმეტელმა ძიუდოისტმა ალექსი დავითაშვილმა ვეტერანებს შორის მსოფლიო ჩემპიონის ტიტული მეშვიდედ მოიპოვა. როგორც საქართველოს ძიუდოს ფედერაციაში აცხადებენ, აბუ დაბიში გამართულ ვეტერან ძიუდოისტთა მსოფლიო ჩემპიონატის ფინალში, ფალავანთა-ფალავანმა ალექსი დავითაშვილმა მონღოლი მეტოქე დაამარცხა.

ფედერაციის ინფორმაციით, ჩემპიონები გახდნენ ასევე: პაატა მერებაშვილი (M1, -66კგ) და სლავიკ რეზესიძე (M1, +100კგ). ვერცხლის მედლებს დაეუფლნენ გიგა ბერიაშვილი (M1, -66კგ), ზვიად კაპანაძე (M1, -100კგ) და დევიკო გობეჯიშვილი (M3, -100კგ). ბრინჯაოს მედლები მოიპოვეს: გივი ნადარეიშვილმა (M1, -60კგ), ბადრი ბასოშვილმა (M3, -60კგ), ლაშა მიქაბერიძემ (M3, -90კგ) და ზვიად წიკლაურმა (M3, +100კგ).