ნავთობისა და ბუნებრივი აირის ფასები გაზრდილია - საერთაშორისო ენერგეტიკულ ბირჟაზე აღმასვლის ტენდენცია ფიქსირდება
ბოლო ერთ კვირაში ნავთობის ფასი საშუალოდ 5%-ითაა გაზრდილი.
საერთაშორისო ენერგეტიკულ ბირჟაზე აღმასვლის ტენდენცია ფიქსირდება.
ინფორმაციას, აღნიშნულთან დაკავშირებით, გამოცემა „ბიზნეს მედია“
ავრცელებს.
ამჟამად Brent-ის ფასი 86 დოლარს აღწევს, WTI-ს ფასი კი 82 დოლარის
ფარგლებშია.
რაც შეეხება რუსულ ნავთობს, ბარელი Urals-ის ფასი 77 დოლარის
ფარგლებში მერყეობს. ამჟამად რუსული ნავთობი საერთაშორისო ბირჟაზე
დიდი შვიდეულის მიერ დაწესებულ საფასო ლიმიტზე 17 დოლარით უფრო ძვირად
ივაჭრება.
აღმასვლის ტენდენცია ფიქსირდება ბუნებრივ აირთან მიმართებითაც.
მეგავატი/საათი ენერგიის ღირებულება ამჟამად 28 ევროს შეადგენს, რაც
ერთ თვეში 20%-ით გაზრდილი მაჩვენებელია.
მასალის გამოყენების პირობები