არაჩვეულებრივი თანამშრომლობის, არაჩვეულებრივი პროექტების, არაჩვეულებრივი ხალხის არაჩვეულებრივი გამოფენა - ანუ პასუხი იმაზე, რა გააკეთეს ქართველებმა ამერიკელ ხალხთან თანამშრომლობით - თელავში USAID-სა და საქართველოს 32 წლიანი თანამშრომლობისთვის მიძღვნილი ღონისძიება გაიართა.


თელაველები და ქალაქის ვიზიტორები ესტუმრნენ ქართულ ტრადიციულ სუფრას, მოუსმინეს თამადას, გაიცნეს თანამოქალაქეები, რომლებმაც USAID-ის მხარდაჭერით კახეთის რეგიონში სხვადასხვა სფეროში წარმატებული პროექტები განახორციელეს, მათ შორის ახალგაზრდული ცენტრის წარმომადგენლები, ადგილობრივი მეწარმეები, არასამთავრობო ორგანიზაცები, რომლებიც საკუთარ გარემოს, ქალაქს და რეგიონს უკეთესობისკენ ცვლიან. ღონისძიებას ესწრებოდა USAID-ის მისიის დირექტორი, ჯონ პენელი.


თანამედროვეობისა და ტრადიციის შეწრყმის ყველაზე კარგი მაგალითი მოლაპარაკე ციფრული ქვევრი გახდა. გამოფენის მონაწილეებს შეეძლოთ ქართული ტრადიციული ღვინის ჭურჭლთან ესაუბრათ და საქართველოსა და USAID - ის თანამშრომლობის, ისტორიის, განხორციელებული პროექტებისა და დაგეგმილი ინიციატივების შესახებ ინფორმაცია მიეღოთ.

USAID საქართველოსთან და მის მოქალაქეებთან 1992 წლიდან თანამშრომლობს. Ამ დროის განმავლობაში ორგანიზაციამ ამერიკელი ხალხის საშუალებით, $1.9 მილიარდი დოლარის მხარდაჭერა გაუწია ქვეყანას. USAID, როგორც აშშ-ს მთავრობის ნაწილი საქართველოს სტრატეგიულ პარტნიორად მიიჩნევს და მისი მიზანია დაეხმაროს ქვეყანას გახდეს უფრო უსაფრთხო, წარმატებული, დემოკრატიული და ევროპასთან მჭიდროდ ინტეგრირებული პარტნიორი.