არჩევნები
ოპოზიციურმა პარტიებმა რეგიონები გაინაწილეს - პაატა ზაქარეიშვილი
2 ოქტომბერს საქართველოში მუნიციპალიტეტის ორგანოთა 2021 წლის არჩევნები ჩატარდება. მერობის კანდიდატები სახელისუფლებო პარტიამ კახეთის ყველა მუნიციპალიტეტში წარადგინა. ლაგოდეხის გარდა, ყველა მუნიციპალიტეტში წარადგინა კანდიდატი „ერთიანმა ნაციონალურმა მოძრაობამ“, კახეთში ორი კანდიდატი ჰყავს „გახარია-საქართველოსთვის“, ერთი კანდიდატი - „ლელოს“, ერთი - „პატრიოტთა ალიანსს“, ერთი - „თავისუფალ საქართველოს“, ერთიც - „მესამე ძალას“.
„ქართულმა ოცნებამ“ ლაგოდეხსა და დედოფლისწყაროში კანდიდატებად მოქმედი მერები: ჯონდო მდივნიშვილი და ნიკოლოზ ჯანიაშვილი წარადგინა, ყვარელში კი - მერის მოადგილე, გივი ზაუტაშვილი დაასახელა.

სიღნაღში კენჭს იყრის ასევე მერის მოადგილე და ყველა დროის ხელისუფლების მაღალჩინოსანი მალხაზ ბეგიაშვილი.

თელავში – ლევან ანდრიაშვილი, შსს-ს ყოფილი მაღალჩინოსანი;

ახმეტაში – ალექსი ფიცხელაური, მეღვინე, ახმეტის საკრებულოს ყოფილი წევრი ბურჯანაძის პარტიიდან;

საგარეჯოში – ავთანდილ გულიკაშვილი, ყველა დროის მმართველი პარტიის შემომწირველი;

გურჯაანში კი ახალი სახე, ზურაბ უტიაშვილი - რომელსაც პოლიტიკური წარსული არ გააჩნია და ამ დრომდე წმინდა მიქაელ მთავარანგელოზის სახელობის მრავალპროფილიანი კლინიკური საავადმყოფოს დირექტორის პოზიციაზე მუშაობს.

რაც შეეხება ოპოზიციას, აღმოჩნდა, რომ ყველაზე მეტი, 3 კანდიდატია წარდგენილი ოპოზიციის მხრიდან ყვარლის მუნიცპალიტეტში. ესენი არიან: რევაზ ჩოხადარი - „დავით თარხან-მოურავი, ირმა ინაშვილი - საქართველოს პატრიოტთა ალიანსი“; გიორგი გიგილოშვილი - „გახარია - საქართველოსთვის“ და ალექსანდრე მჭედლიშვილი - „ერთიანი ნაციონალური მოძრაობა“.

ოპოზიციას ორ-ორი კანდიდატი ჰყავს საგარეჯოში, სიღნაღსა და თელავში.

საგარეჯო: დავით ჯავახიშვილი - „ერთიანი ნაციონალური მოძრაობა”; ეკატერინე ქვლივიძე - „ლელო“;
სიღნაღი: ზაზა პაპუაშვილი - „ერთიანი ნაციონალური მოძრაობა”; გია ხუხიაშვილი - „თავისუფალი საქართველო (ზაზა ხატიაშვილი, კახა კუკავა, გრიგოლ ჯოჯუა)“;

თელავი: გიორგი ბოტკოველი - „ერთიანი ნაციონალური მოძრაობა”; გიგა ორკოდაშვილი - „გახარია - საქართველოსთვის“;
დანარჩენ 4 მუნიციპალიტეტში კი, ოპოზიციიდან თითო კანდიდატია დასახელებული.

ლაგოდეხში - მალხაზ ნოზაძე - „მესამე ძალა“;

დედოფლისწყაროში - თამაზ კოჭლამაზაშვილი - „ერთიანი ნაციონალური მოძრაობა”;

ახმეტაში - ზურაბ ოტიაშვილი - „ერთიანი ნაციონალური მოძრაობა“;

გურჯაანში - სერგი კაკალაშვილი - „ერთიანი ნაციონალური მოძრაობა“.

აღსანიშნავია, რომ გურჯაანში კანდიდატურის წარდგენას გეგმავდა პარტია „გახარია - საქართველოსთვის“, თუმცა, ბოლოს გადაიფიქრა. აქ მერობის კანდიდატად მოქმედი მერის, არჩილ ხანდამაშვილის მოადგილე, სიმონ ქოჩორაშვილი მოიაზრებოდა, რომელიც გახარიას გუნდს აგვისტოს დასაწყისში შეუერთდა.

როგორც სიმონ ქოჩორაშვილი speqtri.ge-სთან ამბობს, მას არჩევანი უნდა გაეკეთებინა მერის კანდიდატობასა და საკრებულოს მაჟორიტარ კანდიდატობას შორის, შესაბამისად, გადაწყვეტილება ამ უკანასკნელის სასარგებლოდ მიიღო.

„არჩევანი იყო გასაკეთებელი: ან მერის კანდიდატი უნდა ვყოფილიყავი, ან სიის პირველ ნომრად და არჩევანი პირველი ნომრის სასარგებლოდ გავაკეთე. ამავე დროს, მაჟორიტარობის კანდიდატი ვარ ქალაქ გურჯაანის ნომერ პირველ ოლქში. რაც შეეხება მერობის კანდიდატს, ძიებაში ვიყავით, რომ უფრო ცნობადი სახე წარგვედგინა. მართალია, მე მიცნობდნენ, მაგრამ საკრებულოში შესვლა მერჩია. ეს ჩემი არჩევანია, იქ უფრო მეტის გაკეთება შემიძლია. მე ვიცი, საკრებულოს მუშაობის რეჟიმიც, ვიცი, მერიაში რა და როგორ უნდა აკეთო. იქ პროტესტი გაქვს თუ არ გაქვს, პირში წყალი უნდა ჩაიგუბო. საკრებულოში უფრო მეტი თავისუფლება და შესაძლებლობაა, რომ არსებულ მდგომარეობაზე პროტესტი გამოთქვა. მოკლედ, ძალიან ბევრი მიზეზია იმისა, რომ საკრებულოს წევრად არჩევა მირჩევნია“.

რატომ არ ჰყავს ოპოზიციურ პარტიებს კანდიდატები რეგიონებში? - ამ საკითხზე თავისი მოსაზრება აქვს გრიგოლ რობაქიძის უნივერსიტეტის პროფესორს, კონფლიქტოლოგსა და პოლიტოლოგს, პაატა ზაქარეიშვილს. მისი განცხადებით, ცნობილია, რომ ოპოზიციურმა პარტიებმა რეგიონები გაინაწილეს და კანდიდატებზეც შეთანხმდნენ.

„რეგიონებში უფრო მკაფიოდაა გამოკვეთილი ადგილობრივი არჩევნების აუცილებლობა, მაგრამ როგორც მე ვიცი და როგორც ცნობილია, ოპოზიციურმა პარტიებმა რეგიონები გაინაწილეს და შეთანხმდნენ. მაგალითად, „ნაციონალურმა მოძრაობამ“ თქვა, რომ მე არ დავაყენებ მაჟორიტარობის კანდიდატებს თბილისში და სამაგიეროდ აიღო გარანტიები ოპოზიციიდან, რათა სხვადასხვა რეგიონში მხოლოდ მათი კანდიდატი ყოფილიყო. არამარტო კახეთში, სხვა რეგიონებშიც „ქართული ოცნების“ საპირწონე ძალად, როგორც წესი, მოიაზრება ოპოზიციიდან „ნაციონალური მოძრაობა.“ ეს მანკიერ ფორმად მიმაჩნია, მაგრამ ეს არის რეალობა. „ნაციონალური მოძრაობა“ გავიდა თბილისიდან და სამაგიეროდ მიიღო რეგიონები, მათ შორის კახეთი, რაც მიმაჩნია, რომ არასწორია.“

ერთ-ერთ პრობლემად პაატა ზაქარეიშვილი კადრების დეფიციტს ასახელებს და ამბობს, რომ ნიჭიერ და ღირსეულ პიროვნებებს, მმართველი პარტია, კარგი გაგებით, ყიდულობს.

„კადრების დეფიციტი ნამდვილად არის. ყველა რეგიონში არიან ღირსეული ადამიანები, მაგრამ ცოტანი და მმართველი ძალა მათ ეფექტურად, კარგი გაგებითაც კი, ყიდულობს. არიან ნიჭიერი ადამიანები, განათლებულები, ახალგაზრდები, რომლებიც უფრო ქალაქისკენ ან უცხოეთში მიდიან და მათი ყიდვა იოლია. კარგი სამსახურისა და თანამდებობის შეთავაზება, როგორც წესი, შეუძლია მმართველ ძალას, ჩვენს შემთხვევაში „ქართულ ოცნებას“. ამიტომ ძნელია რეგიონებში ოპოზიურმა პარტიებმა იპოვონ ისეთი ადამიანი, რომელიც გარანტირებულად წინააღმდეგობას გაუწევს „ქართულ ოცნებას“ ან ნებისმიერ მმართველ ძალას. მიმაჩნია, რომ საქართველო რეგიონებია და არა მხოლოდ თბილისი, მაგრამ ჩვენთან ყველაფერი ამოყირავებულია. მთელი ენერგია, განსაკუთრებით ადგილობრივი არჩევნების დროს, რეგიონებში უნდა იხარჯებოდეს. მით უმეტეს ისეთ წამყვან რეგიონში, როგორიც კახეთია, მაგრამ, სამწუხაროდ, ასე არაა.“

იქიდან გამომდინარე, რომ ზოგიერთ მუნიციპალიტეტში მხოლოდ ორი კანდიდატია დასახელებული, არჩევნების ბედი პირველ ტურშივე გადაწყდება. პაატა ზაქარეიშვილი მიიჩნევს, რომ ოპოზიციისთვის მთავარია, არა ადგილობრივი არჩევნები, არამედ ის, რომ „ქართული ოცნება“ დაამარცხონ და ვადამდელი არჩევნების რეალობა შექმნან.

„რა თქმა უნდა, ყველაზე კარგი ვარიანტი იქნებოდა, რომ ოპოზიციურ პარტიებს დაეყენებინათ კანდიდატები თუნდაც იმისთვის, რომ მეორე ტურის ჩატარების შანსები გაზრდილიყო. თუმცა, ვინაიდან წინასწარ იყო შეთანხმება „ნაციონალურ მოძრაობასა“ და დანარჩენ ოპოზიციას შორის - მოდით, გავიყოთ რეგიონებიო - მათთვის მთავარია, არა ადგილობრივი არჩევნები, არამედ პოლიტიკური მომენტი. ვინ იქნება საკრებულოში, რა იქნება ადგილობრივი ბიუჯეტი, გზები, სკოლები და ბაღები კი არ ანაღვლებს ოპოზიციას, მათ ადარდებთ, დაამარცხონ „ქართული ოცნება“ და შექმნან ვადამდელი არჩევნების რეალობა, რაც სამწუხაროდ არ იქნება. ასეთი პოლიტიკით, არანაირი შანსი არ არსებობს.
დღეს ოპოზიცია არ ფიქრობს რეგიონებზე, რაიონებზე, ადგილობრივ არჩევნებზე, მისი მიზანია, სადმე ნებისმიერ წერტილში დახვდეს და დაამარცხოს „ქართული ოცნება“.

პაატა ზაქარეიშვილის მოსაზრებით, „ქართული ოცნების“ სიძლიერე იმაში მდგომარეობს, რომ კეთდება გზები, ხორციელდება გარკვეული აქტივობები და იქმნება განცდა ადგილობრივი კონტექსტის, შესაბამისად, მათი გამარჯვება უფრო რეალურია.
„ოპოზიციის სტრატეგიული შეცდომა ის არის, რომ ისინი ვერ ხედავენ როგორ მოემსახურონ თავის მოსახლეობას ადგილზე, და როგორ აჩვენონ, რომ ადგილობრივი არჩევნები საპარლამენტო არჩევნებზე არანაკლებ მნიშვნელოვანია. პირადად ჩემთვის, უფრო მეტიცაა. იქ არის ნამდვილი, რეალური ადგილობრივი დემოკრატია. სამწუხაროდ და საუბედუროდ, ვერც ოპოზიცია და ვერც ხელისუფლება ვერ ფიქრობს იმდენად, რომ ხალხში, ადგილობრივი არჩევნების სახით, დემოკრატია შეიტანოს. ეს არავის სჭირდება. ყველას ურჩევია მართონ რეგიონები, იყოს ხმების ყულაბა და არა - მოემსახურონ მოსახლეობას.

სამწუხაროდ, როგორც ხელისუფლებამ, ისე ოპოზიციამ რეგიონები, დემოკრატიის მიმართულებით, მიატოვა. ყველასთვის მთავარია თბილისში გაიმარჯვონ, დედაქალაქში მოკალათდნენ და მერე აქ ერთმანეთს ცხვირ-პირი უმტვრიონ, რაც ჩემთვის ყოვლად მიუღებელია“- აღნიშნავს პოლიტოლოგი.
კახეთის რეგიონის 8 მუნიციპალიტეტში სულ მერობის 21 კანდიდატია დასახელებული. ოთხ მუნიციპალიტეტში გამარჯვებული პირველივე ტურში გაირკვევა, ოთხ მუნიციპალიტეტში კი - თეორიულად, მეორე ტურის ჩატარების ალბათობა არსებობს.



სტატია ქვეყნდება პროექტის „გამჭვირვალე არჩევნები და მედია" ფარგლებში.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
| Print |  E-mail
FaceBook Twitter Google
ამავე კატეგორიაში
კახეთში, მე-10 მაჟორიტარული ოლქის 154 უბნიდან ამ დროისთვის
დათვლილია 123 უბნის მონაცემები.
კახეთში, მე-10 მაჟორიტარული ოლქის 154 უბნიდან ამ დროისთვის დათვლილია 123 უბნის მონაცემები.
00:54 / 22.11.2020
დღეს, არჩევნების მეორე ტურში, კახეთის მე-10 მაჟორიტარულ საარჩევნო
ოლქში სასურველი კანდიდატისთვის ხმის მისაცემად, 51 785 ამომრჩეველი
მივიდა
დღეს, არჩევნების მეორე ტურში, კახეთის მე-10 მაჟორიტარულ საარჩევნო ოლქში სასურველი კანდიდატისთვის ხმის მისაცემად, 51 785 ამომრჩეველი მივიდა
22:45 / 21.11.2020
12:00 საათის მონაცემებით, კახეთის მე-10 მაჟორიტარულ საარჩევნო ოლქში
თავისი არჩევანი 15 844-მა ამომრჩეველმა დააფიქსირა, რაც პირველ
ტურთან შედარებით თითქმის 2-ჯერ ნაკლებია. პირველი  ტურის 12:00
საათის მონაცემებით, უბანზე  31 576 ამომრჩეველი იყო მისული.
12:00 საათის მონაცემებით, კახეთის მე-10 მაჟორიტარულ საარჩევნო ოლქში თავისი არჩევანი 15 844-მა ამომრჩეველმა დააფიქსირა, რაც პირველ ტურთან შედარებით თითქმის 2-ჯერ ნაკლებია. პირველი  ტურის 12:00 საათის მონაცემებით, უბანზე  31 576 ამომრჩეველი იყო მისული.
13:55 / 21.11.2020
ცენტრალურ საარჩევნო კომისიას არჩევნების მეორე ტურის შედეგების
შესაჯამებლად ვადა 10 დეკემბრამდე აქვს.
ცენტრალურ საარჩევნო კომისიას არჩევნების მეორე ტურის შედეგების შესაჯამებლად ვადა 10 დეკემბრამდე აქვს.
12:26 / 21.11.2020
სამართალი
მკვლელობაში ბრალდებულ ოლიმპიურ ჩემპიონსა და ყოფილ დეპუტატს, ზურაბ ზვიადაურს ძმის დაკრძალვაზე მისვლის უფლება მისცეს. ბრალდებულს ახმეტაში ბადრაგი ჩაიყვანს.
12:07 / 19-08-2021
შსს-მ თელავის მუნიციპალიტეტის სოფელ წინანდალთან მომხდარი მკვლელობის ფაქტი ცხელ კვალზე გახსნა. განზრახ მკვლელობის ბრალდებით დაკავებულია „ქართული ოცნებიდან“ პარლამენტის ყოფილი წევრი, ახმეტის ყოფილი მაჟორიტარი დეპუტატი ზურაბ ზვიადაური.
10:55 / 17-08-2021
ფშაველი-აბანო-ომალოს გზაზე მომხდარ ვტოსაგზაო შემთხვევას, ერთი ადამიანი ემსხვერპლა სავარაუდოდ გადაჭარბებული სიჩქარით მოძრავი ავტომანქანა, რამდენიმე მეტრის სიმაღლიდან გადავარდა.
15:15 / 04-08-2021
ეკონომიკა
ქალაქ გურჯაანში ნონეშვილის გამზირის რეაბილიტაცია აქტიურ ფაზაშია.
10:38 / 24-08-2021
ქალაქ სიღნაღში წყალმომარაგების სამუშაოები შეუფერხებლად მიმდინარეობს. ამ დროისთვის ორი ჭაბურღილი, სამი საქლორატორო და ახალი რეზერვუარი მოეწყო.
17:06 / 06-08-2021
სხვა ამბები
„ჩვენ წერტილი დავუსვით რეკრეაციული სივრცეების ხარჯზე სხვადასხვა მშენებლობას, შედეგი კი სახეზეა - 2021 წელს 161,372,700 ლარი იხარჯება გარემოს დაცვის მიმართულებით
16:58 / 22-09-2021
დედაქალაქის მერობის კანდიდატმა კახა კალაძემ თბილისის მართვისა და ეკონომიკის პოლიტიკის პრეზენტაცია წარადგინა და დანარჩენი ხუთი პოლიტიკაც შეაჯამა.
16:53 / 22-09-2021
მჯერა, რომ თქვენთან ერთად ღირსეულად გადავლახავთ ყველა დაბრკოლებას, რომელიც სახელმწიფოს მშენებლობის გზაზე გვხვდება, აუცილებლად მივაღწევთ მიზანს, რომელსაც ძლიერი, გაერთიანებული ქართული სახელმწიფო ჰქვია- ამის შესახებ საქართველოს პრემიერ-მინისტრმა ირაკლი ღარიბაშვილმა დაზვერვის სამსახურის თანამშრომლებთან შეხვედრაზე განაცხადა.
16:44 / 20-09-2021
დღეს გვსურს საზოგადოებას გავაცნოთ პარტიის სოციოლოგიური ჯგუფის მიერ ბათუმში ჩატარებული კვლევის შედეგები.
16:32 / 20-09-2021
თბილისის მერად „ქართული ოცნების“ კანდიდატის კახა კალაძის ხელმეორედ არჩევის შემთხვევაში, განხორციელდება პროექტი „60 +“, რომელიც ხანდაზმული მოქალაქეებისთვის სპეციალური სივრცეების შექმნას ითვალისწინებს.
16:51 / 19-09-2021
ანონსი
სარეაბილიტაციო სამუშაოების გამო 24 სექტემბერს ელექტროენერგიის მიწოდება შეეზღუდება „ეპ ჯორჯია მიწოდება“-ს აბონენტების ნაწილს.
16:49 / 23-09-2021
ტესტი
1939 წლის 26 მარტს დაიბადა თანამედროვე ქართველი კლასიკოსი მწერალი, გურამ დოჩანაშვილი. მისი უამრავი ნაწარმოები შეიყვარა საზოგადოებამ. გთავაზობთ კითხვარს, რომელიც სწორედ გურამ დოჩანაშვილის შემოქმედებას ეხება. უპასუხე კითხვებს და გაიგე, რამდენად კარგად იცნობ მის ნაწამოებებს.
08:59 / 26-03-2021
ვალუტა
EUR
EUR
1
3.6582
USD
USD
1
3.1181
GBP
GBP
1
4.2724
TRY
TRY
1
0.3528
RUB
RUB
100
4.2765
ამინდი
გურჯაანი 10 / 22 °C
img
საგარეჯო 9 / 16 °C
img
დ.წყარო 9 / 13 °C
img
სიღნაღი 10 / 20 °C
img
ლაგოდეხი 11 / 18 °C
img
ყვარელი 10 / 22 °C
img
თელავი 9 / 18 °C
img
ახმეტა 8 / 19 °C
img
კალენდარი

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.