2022 წელს აზერბაიჯანი იტალიას 9.5 მლრდ კუბურ მეტრ ბუნებრივ აირს საქართველოს გავლით მიაწვდის.

ინფორმაციას აღნიშნულთან დაკავშირებით საერთაშორისო ინფორმაციული ჯგუფი „ინტერფაქსი“ ავრცელებს.

„არსებული ტემპების შენარჩუნებით, მიმდინარე წელს აზერბაიჯანი იტალიას 9,5 მლრდ კუბურ მეტრ გაზს მიაწვდის“, - თქვა აზერბაიჯანის ენერგეტიკის მინისტრმა ფარვიზ შაჰბაზოვმა ბაქოში გამართულ კონფერენციაზე - „აზერბაიჯანი-იტალია: გზა რომელსაც მივყავართ მრავალმხრივი სტრატეგიული პარტნიორობისკენ“.

მისი თქმით, გაზსადენ TAP(ტრანს-ადრიატიკული მილსადენი)-ის გაფართოვება გაზრდის ბუნებრვი აირის მიწოდებას არა მხოლოდ იტალიაში, არამედ ევროპის სხვა ქვეყნებშიც.