გურჯაანი-თელავის შემოვლითი გზის მშენებლობისთვის წინადადებების წარდგენა დაიწყო
საავტომობილო გზების დეპარტამენტში, ბაკურციხე-წნორის გზისა და
გურჯაანი-თელავის შემოვლითი გზის მშენებლობისთვის დოკუმენტაციის
მოსამზადებლად, ფინანსური ფინანსური წინადადებები გაიხსნა.
აღნიშნული გზების მშენებლობა, შიდასახელმწიფოებრივი და ადგილობრივი
მნიშვნელობის გზების მესამე პროექტის ფარგლებში განხორციელდება.
ბაკურციხე-წნორის გზა 16 კილომეტრიანი, ხოლო გურჯაანი-თელავის
შემოვლითი გზა 30 კილომეტრიანი მონაკვეთია.
ტენდერში გამარჯვებულმა კომპანიამ 9 თვეში, ბაკურციხე-წნორის გზისა და
გურჯაანი-თელავის შემოვლითი გზის მშენებლობისთვის
ტექნიკურ-ეკონომიკური დასაბუთების, წინასწარი პროექტირების, გარემოს
და სოციალური ზემოქმედების შეფასების დოკუმენტები უნდა წარმოადგინოს.
ასევე, უნდა მოამზადოს სატენდერო დოკუმენტაცია აღნიშნული გზების
პროექტირება-მშენებლობისთვის. ჩამოთვლილი დოკუმენტების მოსამზადებლად,
მხოლოდ იმ 3 კომპანიის ფინანსური წინადადებები გაიხსნა, რომლებმაც
ტენდერში, მინიმალური საკვალიფიკაციო-ტექნიკური ქულა გადალახეს.
აღნიშნული დოკუმენტების მომზადებას, მსოფლიო ბანკი აფინანსებს.
ბაკურციხე-წნორისა და გურჯაანი-თელავის შემოვლითი გზები,
პრემიერ-მინისტრის გიორგი კვირიკაშვილის ინიციატივის, 4 პუნქტიანი
გეგმის, კერძოდ სივრცითი განვითარების ნაწილია.
მასალის გამოყენების პირობები