სიღნაღის მუნიციპალიტეტის საზღვრისპირა სოფელ ერისიმედში საბავშვო ბაღის რეაბილიტაცია მიმდინარეობს. სამუშაოები გასული წლის 11 დეკემბერს დაიწყო და იანვრის ბოლოს დასრულდება.
სიღნაღის მერიის ინფორმაციით, მოწესრიგდება სამზარეულო და სველი წერტილები. ასევე რეაბილიტირდება 2 ჯგუფის ოთახი,  დერეფანი, საკუჭნაო და სამასწავლებლო.

სააღმზრდელო დაწესებულება 20 ბავშვზეა გათვლილი და მის სარემონტო სამუშაოებზე ადგილობრივი ბიუჯეტიდან  16 000 ლარამდე დაიხარჯება.