მიმდინარე წელს, გურჯაანის მუნიციპალიტეტის სოფელ კარდენახში,
სასაფლაოსთან მისასვლელ გზას რეაბილიტაცია ჩაუტარდება.
სამუშაოები რეგიონებში განსახორციელებელი პროექტების ფონდიდან უნდა
დაფინანსდეს.
-„ამ დროისთვის გზის ეს მონაკვეთი ცუდ მდგომარეობაშია. მანქანებს
გადაადგილება კარგ ამინდშიც კი უჭირთ. ადრე მოასფალტებული იყო, თუმცა
დროთა განმავლობაში დაზიანდა.“- აღნიშნა გურჯაანის მუნიციპალიტეტის
მერიის ინფრასტრუქტურის სამსახურის უფროსმა ნოდარ შავკაციშვილმა.
ცნობისთვის, გურჯაანის მუნიციპალიტეტის მერიამ რეგიონებში
განსახორციელებელი პროექტების ფონდში მიმდინარე წელს დასაფინანსებლად
19 პროექტი გადააგაზავნა. პრიორიტეტული მიმართულებები გზის
მოასფალტება და ჭაბურღილის მოწყობაა.
მასალის გამოყენების პირობები