არხილოსკალო-სამთაწყაროს დამაკავშირებელი გზის მშენებლობა უახლოეს მომავალში დაიწყება
დედოფლისწყაროს მუნიციპალიტეტში, არხილოსკალო-სამთაწყაროს
დამაკავშირებელი ექვსკილომეტრიანი გზის მშენებლობა უახლოეს მომავალში
დაიწყება.
დღეს ამ საკითხთან დაკავშირებით მუნიციპალიტეტის მერი ნიკოლოზ
ჯანიაშვილი, მსოფლიო ბანკისა და საავტომობილო გზების დეპარტამენტის
წარმომადგენლებთან ერთად ადგილობრივებს შეხვდა.
-„სულ მალე დაიწყება არხილოსკალო-სამთაწყაროს დამაკავშირებელი გზის
მშენებლობა. დღეს მოსახლეობასთან შეხვედრა გავმართეთ, მათ ბუნებრივ და
სოციალურ გარემოზე ზემოქმედების მართვის გეგმა გავაცანით. თვის
ბოლომდე მშენებლობაზე ტენდერი გამოცხადდება, შემდეგ კი სამუშაოები
დაიწყება. ეს სახელმწიფო მნიშვნელობის გზაა.“- აღნიშნა
speqtri.ge-სთან დედოფლისწყაროს მუნიციპალიტეტის
მერმა ნიკოლოზ ჯანიაშვილმა.
აღნიშნული გზის მშენებლობა 2018 წლის ბოლომდე დასრულდება.
მასალის გამოყენების პირობები