თელავის მუნიციპიტეტის ზოგიერთ სოფელში "სოფლის მხარდაჭერის პროგრამის"  გარგლებში მოსახლეობასთან შეხვედრები გრძელდება. პრიორიტეტები 17 სოფლის მოსახლეობამ უკვე შეარჩია.
"პრემიერის დადგენილებით, განსაზღვრულია,  თუ რა თანხა უნდა გამოეყოს სოფელს მოსახლეობის მიხედვით. მაგალითად, 400-მდე მოსახლეზე 10 000 ლარია, 400-დან 1000-მდე 16 000 ლარი, 1000 მცხოვრებლის ზევით კი - 20 000 ლარია. წინა წლების განმავლობაში, მუნიციპალიტეტი შედიოდა 50 %-იანი თანადაფინანსებით. თუ იყო სოფელზე 20 000 ლარი გამოყოფილი, მერია აფინანსებდა კიდევ 10 000 ლარით.

მე გადავწყვიტე, რომ ჩემი მერობის პირველივე წელს, ჩემს გუნდთან ერთად, სოფლის პროგრამას დავაფინანსებ 100%-ით. მე რამდენადაც მაქვს ინფორმაცია, კახეთის მუნიციპალიტეტში მხოლოდ მე ვარ, ვინც თანადაფინასებაში 100%-ით შევედი. თუ მომავალ წელს საშუალება მექნება, უფრო მეტით დავაფინანსებ,"-განაცხადა ლევან ანდრიაშვილმა speqtri.ge-სთან.

მერის ინფორმაციით, 27 სოფელზე ცენტრალური ბიუკჯეტიდან 478 000 ლარია გათვალისწინებული და ზუსტად ამდენივე თანხა გამოყო მერიამ. პრიორიტეტული მიმართულებებია: გარე განათების მოწყობა, სანიაღვრეების გაწმენდა, სპორტული მოედნისა და სატრენაჟორო დარბაზის გაკეთება.