საქართველოს რეგიონული განვითარებისა და ინფრასტრუქტურის სამინისტროს
საავტომობილო გზების დეპარტამენტმა ვაზიანი-საგარეჯოს საავტომობილო
გზის მშენებლობა დაიწყო, რომელიც თბილისი-საგარეჯოს ჩქაროსნული
მაგისტრალის შემადგენელი ნაწილია.
საავტომობილო გზების დეპარტამენტის ინფორმაციით, ამ დროისთვის
მიმდინარეობს წყალგამტარი რკინაბეტონის მილების მოწყობა და მიწის
სამუშაოები.
„პროექტი 23,8 კმ-იანი 4 ზოლიანი გზისა და 13 სახიდე გადასასვლელის
მშენებლობას ითავლისწინებს. სამშენებლო სამუშაოების ღირებულება 313,4
მილიონ ლარს შეადგენს.
თბილისი-საგარეჯოს 35 კმ-იანი ავტობანის პროექტი 3 მონაკვეთადაა
დაყოფილი, სადაც 4 ზოლიანი ცემენტ-ბეტონისა და ნაწილობრივ
ასფალტ-ბეტონის საფარის, გარე განათების სისტემით აღჭურვილის
ჩქაროსნული საავტომობილო გზა აშენდება. ამ ეტაპზე, სამშენებლო
სამუშაოები სამივე მონაკვეთზე მიმდინარეობს. თბილისი-საგარეჯოს 35
კმ-იანი ჩქაროსნული გზის მშენებლობა სახელმწიფო ბიუჯეტიდან ფინანსდება
და მისი ჯამური ღირებულება 527 169 937 ლარს შეადგენს.“ - ნათქვამია
საავტომობილო
გზების დეპარტამენტის განცხადებაში.
ცნობისთვის, თბილისი-საგარეჯოს მონაკვეთი თბილისიდან კახეთის
მიმართულებით დამაკავშრებელი ძირითადი მაგისტრალის და ასევე,
აზერბაიჯანის ჩრდილო–დასავლეთ რეგიონთან დამაკავშირებელ სატრანზიტო
დერეფნის ნაწილია.
საქართველოს მთავრობის ინფორმაციით, კახეთის ჩქაროსნული მაგისტრალის
მშენებლობა თბილისიდან კახეთის მიმართულებით
მგზავრობის დროს გაანახევრებს.
მასალის გამოყენების პირობები