ლაგოდეხის მუნიციპალიტეტის მერიამ ა(ა)იპი „ლაგოდეხის სერვის ცენტრს“, ოთხი ახალი ავტომობილი გადასცა, რომლის საერთო ღირებულებამაც 575 556 ლარი შეადგინა.

ლაგოდეხის მუნიციპალიტეტის მერის ინფორმაციით, მუნიციპალიტეტს შემუშავებული აქვს ნარჩენების მართვის 5 წლიანი გეგმა.
„შესაძლებლობის ფარგლებში, ვცდილობთ, დავუახლოვდეთ ნარჩენების მართვის მსოფლიო სტანდარტებს. გვაქვს სურვილი, ვიყოთ გამორჩეული, სუფთა და საუკეთესო მუნიციპალიტეტი,“ - განაცხადა ჯონდო მდივნიშვილმა.

ცნობისთვის ოთხი ტრანსპორტიდან - თვითმცლელი, სატვირთო ბორტიანი ავტომობილი და სპეციალიზირებული ამწე კალათა - ადგილობრივი ბიუჯეტიდან, ხოლო ნაგავმზიდი, ლაგოდეხის მერიისა და სამოქალაქო განვითარების ასოციაცია „საგა“-ს ურთიერთთანამშრომლობის ფარგლებში, იაპონიის საელჩოს ხელშეწყობით იქნა შეძენილი.