სოფლის მეურნეობის სამინისტროს შპს "საქართველოს მელიორაციამ" კახეთის
რეგიონში, სოფელ ვაჩნაძიანთან მცირე წყალსატევარის მოწყობის პროექტი
დაასრულა.
ვაჩნაძიანის წყალსატევარი ერთ-ერთია სამი საპილოტე პროექტიდან,
რომელიც კომპანიამ მირიგაციის თანამედროვე მეთოდის - წვეთური მორწყვის
წესის გავრცელების ხელშეწყობის მიზნით შეიმუშავა. წყალსატევარში
მოხდება 10 000 მ3 წყლის მარაგის დაგროვება, რომლითაც მოსახლეობა
სარწყავი სეზონის განმავლობაში 140 ჰექტარ სავარგულს მორწყავს წვეთური
ირიგაციის მეთოდით.
კახეთის რეგიონში ხორციელდება, ასევე, ბაკურციხისა და ვაქირის სატუმბი
სადგურების საპილოტე სარეაბილიტაციო პროექტები, რომელთა დასრულების
შემდეგ მიმდინარე წლის სარწყავი სეზონისათვის მიმდებარე 750 ჰექტარი
სასოფლო-სამეურნეო სავარგულების მოსარწყავად მოსახლეობის მიერ წვეთური
ირიგაციის სისტემები იქნება გამოყენებული.
მასალის გამოყენების პირობები