სოფლის მეურნეობის სამინისტროს ინფორმაციით, „ვაზიანი კომპანის“
ღვინომ - „საფერავი 2015“ იაპონიაში, „საკურას“ კონკურსის უმაღლესი
ჯილდო - “ბრილიანტი” (Diamond Trophy) მოიპოვა.
ჯილდო კომპანიის წარმომადგენელს ტოკიოში, „Foodex Japan 2017“-ზე
საზეიმო ვითარებაში გადაეცა. აღნიშნული ღვინო მიმდინარე წლის
თებერვლის დასაწყისში „საკურას“კონკურსში „ორმაგი ოქროს“ მფლობელი
გახდა და კონკურსის წესების თანახმად, „Foodex Japan 2017“ უმაღლესი
ჯილდოს - “ბრილიანტის” (Diamond Trophy) მოსაპოვებლად გამოფენაზე იყო
წარდგენილი. მაშინ ჯილდო სულ 12 დასახელების ქართულმა ღვინომ მოიპოვა
- ერთი „ორმაგი ოქრო“, ექვსი - ოქროს და ხუთი ვერცხლის მედალი.
საერთაშორისო კონკურსი „საკურა“(The 4rd “Sakura” Japan Women’s Wine
Awards 2017) მასშტაბური ღონისძიებაა, რომელიც წელს მეოთხედ ჩატარდა.
კონკურსის ჟიური დაკომპლექტებული იყო იაპონიაში ღვინის სფეროში
მოღვაწე ქალბატონებით -სომელიეებით, ღვინის მწერლებითა და
ჟურნალისტებით. აღნიშნულ კონკურსში ქართულმა ღვინომ უკვე მეორედ
დაიმსახურა ეს უმაღლესი ჯილდო. 2015 წელს “ბრილიანტი” (Diamond
Trophy) კომპანია „ლუკასის“ ღვინომ „ჩხავერი“ მიიღო.
მასალის გამოყენების პირობები